Wednesday 15 January 2014

വി എസ് ഒരു 'പെരിയ' ആപ്പാണ്, ആപ് കാരാ

ആം ആദ്മിയെക്കുറിച്ച് പറയാനെ എല്ലാവര്‍ക്കും സമയമുള്ളൂ , ആപ്പിനെക്കുറിച്ചുള്ള പ്രതീക്ഷകളും ആശങ്കകളും.....ഉപദേശങ്ങളും കാര്യങ്ങള്‍ പൊടിപൊടിക്കുകയാണ്. ന്യൂസ് ഹവറുകാരുടെ തീന്‍മേശയില്‍  ആം ആദ്മികള്‍ ഒഴിച്ചുകൂടാന്‍ പറ്റാത്ത വിഭവമായി സ്ഥാനം പിടിച്ചിരിക്കുന്നു. തരക്കേടില്ലാത്ത പെര്‍ഫോര്‍മന്‍സ് ചാനലുകളില്‍ അവര്‍ കാഴ്ചവെക്കുന്നുണ്ട് എന്ന് സമ്മതിക്കുകയും വേണം. പക്ഷേ AAP നേ ക്കുറിച്ചുള്ള ചില വാര്‍ത്തകള്‍ "ആട് അറിയുമോ അങ്ങാടി വാണിഭം?" എന്ന് ചോദിക്കാന്‍ പ്രേരിപ്പിക്കുന്നുണ്ട്.  വെള്ളവും തീറ്റയും കൊടുത്ത് പ്ലാവില കാണിച്ച് യജമാനന്‍ കൊണ്ടുപോകുന്നത് മാര്‍ക്കറ്റിലെ അറവുശാലയിലേക്ക് ആണെന്ന്‍ തിരിച്ചറിയാതെ തലയും കുലുക്കി സന്തോഷ പൂര്‍വ്വം നടന്നു നീങ്ങുന്ന ആടിനെ ഓര്‍മ്മിപ്പിക്കുന്നുണ്ട് AAP കേരള ഘടകം.